الثلاثاء، 19 يونيو، 2012

صباح اللخبطه



مصر حبيبتى هيبقى ليها رئيس، آه فى ظروف غامضه هيبقى ليها رئيس، وحكايه 

الانتخابات دى كانت حكايه غريبه جدا، اتقدم للترشح عدد مش قليل صفصف على 

13، ودى كانت حاجه ممتازة، وفجأه وبدون سابق انذار نجح اكتر اثنين مختلف عليهم 

معظم الشعب المصري، ازاى مش عارفه اصلى مكنتش فى مصر لما ده حصل، وحتى 

لما بسئل حد على الكلام ده مبيعرفش يرد على، المهم لما كنت بره مصر كنت اخدت 

قرار المقاطعه، ايوة مقاطعه الانتخابات، ودا مخدش وقت خالص فى التفكير بس اول 

ما عرفت النتيجه اخدت القرار ده، مهو اصل اللى نجحوا شفيق ودا فل كبير ومرسي 

ودا بيقولوا عليه استبن، المهم لما نزلت مصر تانى بقيت لما اشوف مرشحى شفيق 

اقول يارب مرسي اللى يكسب نكايه فى شفيق واتباعه ولما اشوف مريدي مرسي اقول 

يارب شفيق هو اللى يكسب علشان يبعثر افكارهم، لكن برجع افتكر ان المجلس 

العسكرى مازال موجود علشان يبعثر افكار مصر كلها ولا عزاء للعقلاء .



هناك 6 تعليقات:

  1. و ازاي نجحوا يا ستي علمي علمك ربنا يعافينا...نايس تدوينة هوب تو سي مور...بط هوين؟

    ردحذف
  2. والمجلس هو الحاكم في الحالتين :(
    الله غالب

    ردحذف
  3. والله انا زيك
    بالنسبه ليا كان قرار المقاطعه هو افضل الحلول من وجهه نظرى
    وهو اللى انا مقتنعه بيه ومش هابقى بلوم نفسى عليه ابدا
    احنا فى النهايه مش عايزين غير حاجه واحده
    ان ربنا يختارلنا الاصلح
    ايا كان مين هو بقى
    المهم ان ماحدش حقه يضيع بعد كده ولا يتعمل فينا زى ما كان بيتعمل قبل كده
    ونحن فى انتظار القادم

    ردحذف
  4. بصي هو الواقع في مصر بقي ان كل شئ علي عينك يا تاجر
    بس برضوا مافيش حقيقه واحده لكل شئ
    والجيش بيلعب معانا صح فعلا
    والعزاء هيتاخد في الشعب النايم :(
    بدايه سياسيه جيده :)
    سعيده انى مررت من هنا افتقد تدوينك

    ردحذف
  5. شكرا جزيلا على مروركم وبجد وحشنى جدا كلكم يارب حملات علطول علشان نتقابل

    ردحذف