تذكرتى جمزة نمرة

طعم البعاد صبار .. والغربة ليل بهتان
ياقلبي ياموجوع .. إياك تكون قلقان
لو طالت المسافات .. أنا والأمل اخوات
وتالتنا كان الليل .. ده أنا ليا فيها النيل
وليها فيا الروح .. ما اخترتش إنى اروح
ما انا جوعي كان كفران .. ملعون ابوك ياطموح
آخرك تشوفلى كفيل .. لكنى مش قلقان
تذكرتي رايح جاى .. انا مش فى بلدى عويل
لكـني مش بتشاف .. زهرة سنينى عجــاف
مع إنى ليا عزيز ..إفتونى فى رؤياى
لمـوا الأمانى إزاى .. حطوها على الباسبور
احلامى صبحت بور .. ممنوع عليها الضى
لكنى مش قلقان .. تذكرتى رايح جاى
البعد عنك خوف .. وأنا ع الرجوع ملهوف
لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع
حب البلد بيعيش .. لما يموت الجوع
ياحضن بيساعنى .. واحتجت له وباعنى
ساعة ما مد إيديه .. شاور وودعنى
لكـنى مش قلقـان .. تذكـرتى رايح جاي

http://www.youtube.com/watch?v=XLD7zgkfz3U&feature=player_embedded